Inspraak in my kind! Hoe??

Elke gesin moet 'n ritme vind om tyd saam te spandeer:

In die oggend is jy jou kind se afrigter (coach) ! Jy moet hom aanmoedig om die dag met waagmoed aan te durf en hom met helde moed die dag in stuur!

In die kar is jy sy vriend wat lewe deel. Onthou, jou lewe stel die voorbeeld! Hoe reageer jy as iemand voor jou indraai?? Hoe verduidelik jy dit aan jou kind aangaande die Woord. Wees eg! Vra omverskoning wanneer nodig!

Aan die etens tafel is jy sy die onderwyser (teacher)! Praat saam oor die dag se gebeure. Lees uit die Woord en leer hulle aangaande die Woord oor wie hulle is sodat hulle kan weet hoe hulle moet lewe!

In die kamer is jy sy bemoediger en raadgewer (counsellor)! Hoe hanteer ek dit as my maats my teleurstel of my ou my afsê?? Gee raad uit die woord en bemoedig hulle. Bid saam vir ‘n oplossing en genesing!

Moet ek tyd saam met my kind spandeer?

Hmmm! Ek wonder? Vir die volk van ouds was dit 'n normale ritme om daagliks tyd saam met hulle kinders te spandeer! Met Moses se "fare well" toespraak is sy keuse van woorde baie interessant! Deut. 32:46  sê hy vir hulle: Gee ag op al die woorde waarmee ek julle vandag waarsku, dat julle dit jul kinders beveel om al die woorde van hierdie wet sorgvuldig te hou. 

Is kinders regtig belangrik?

Dis seker 'n vraag wat baie mense al gevra het! Julle hou mos net met kinders besig terwyl ek kan fokus op kerk? Ons het groot geword met die gesegde: kinders moet gesien en nie gehoor word nie!

Wat maak ons dan met die statistieke van George Barna wat sê dat 83% van bekerings vind plaas voor die ouderdom van 14! Of die statistieke wat sê dat die grootste gedeelte van SA bevolking onder die ouderdom van 16 is?

As kinders nie belangrik is nie, hoekom het Jesus, in antwoord op een van sy dissipels se vraag: Wie is die belangrikste in die koninkryk? ‘n Kind nader geroep en in hul midde laat staan en geantwoord: Voorwaar Ek sê vir julle, as julle nie verander en soos die kindertjies word nie, sal julle nooit in die koninkryk van die hemele ingaan nie!

Is kinders dan belagrik???

Nuwe optrede 1 September in Pretoria!

As jy iemand ken wat nie daarvan hou om kerk toe te gaan nie en nodig het om die goeie nuus van die evangelie te hoor! is hierdie jou geleentheid!

Die humor in hierdie uur produksie is baie pittig en die evangelie word op 'n vars unieke manier verkondig! Vat nou jou kans! Nooi iemand!

Kinders is belangrik!

Wat ʼn voorreg om met die belangrikste in die koninkryk te werk. Kinders is soos klei in ons hande en ons moet seker maak dat ons mooi met hulle werk. Ons het die geleentheid om God se Woord in hul harte te bêre en hulle te help om te verstaan Wie God is en wat Sy plan vir hulle lewens is!